“Засгийн газрын байруудын нийтлэг үйлчилгээний газар” ТӨААТҮГ 2024 оны ажлаа дүгнэж, үйл ажиллагааны тайлангийн хурлаа хийлээ.
Тайлангийн хурлаар харьяа байруудад байрладаг нийт 60 гаруй байгууллагуудад нийтлэг үйлчилгээний ажлыг чанар, стандартын зохих түвшинд хийж, гүйцэтгэн ажилласан бөгөөд харьяа дээд байгууллагаас баталсан 2024 оны гүйцэтгэлийн төлөвлөгөөг амжилттай хэрэгжүүлж, санхүүгийн сахилга батыг чанд баримтлан ажилласныг онцлон тэмдэглэлээ.
Мөн тайлангийн хурлын үеэр газрын захирал Ө.Лувсанренчин 2024 оныг өндөр бүтээмжтэй жил байсныг онцолж, байгууллагын нийт хамт олонд талархал илэрхийлж, тэрээр 2025 онд цалин, хангамж, ажилчдын ажиллах орчин нөхцөлийг сайжруулахтай холбоотой ажлуудыг 2025 онд хэрэгжүүлэн ажиллахыг дурдав.
